Балаларға арналған ашық есік күні өтті! 31 мамыр күні ШЖК “#17 қалалық емхана” МКК мекемесінде Балаларды қорғау күніне орай Ашық есік күні өтті. Бұл күні ата-аналар емханамыздың жетекші мамандарына балаларын қаратып, тегін кеңес ала алды. Ашық есік күні 50 -ге жуық балаларды- педиатр, нефропатолог, хирург, пульмонолог, эндокринолог, психолог мамандары балалардың денсаулығын тексеріп, сырқауды емдеу бойынша ата-аналарына қажетті ақпараттар берілді.

Отбасының тірегі, елді бастар. Отанының қорғаны - азаматтар! Құтты болып мереке баршаңызға Бақ-береке әкелсін әр отбасына! Халқымызда «Ер – елінің қорғаны» деген аталы сөз бар. Біз осындай жандардың ержүрек істеріне сай сый-құрмет көрсете отырып, бүгін ұжымымыздағы азаматтарды мерекемен құттықтап, жақсы көңіл-күй сыйладық. Емхананың нәзік жандары таңертең басталған құрмет шарасын мерекелік құттықтаумен жалғастырды. #17 Қалалық емхана ұжымы атынан еліміздің тыныштығын қорғайтын Отан қорғаушыларын мерейлі мерекемен құттықтай отырып, отбасыларыңызға амандық, береке-бірлік, еңбекте жеміс пен шығармашылық табыстар тілейміз. Бүгінгі 7 мамыр Отан қорғаушылар күні мерекелеріңіз құтты болсын! Құрметпен, #17 Қалалық емхана ұжымы!

Арашашы жаныңа,

Қасыңнан кетер табыла.

Ақ халаты абзал жан,

Мейірім төгер жаныңа.

Алғыс болсын алғаның,

Мәртебең асып самғағын.

Еселесін еңбегің,

Өмірдің алып бар бағын.

12 мамыр – Халықаралық медбикелер күні, бұл біз үшін ерекше күн. №17 Қалалық емхана ұжымы атынан медицина саласының ауыры мен қиындығын дәрігерлермен қатар атқарып жүрген нағыз ақ халатты абзал жандар – орта медицина буыны қызметкерлерін кәсіби мерекелерімен құттықтаймын. Сіздердің еңбектеріңіз ұшан-теңіз, сондықтан, осы ауыр қызметті атқаруда жетістікке қол жеткізіп, әрқашан жақсылық шуағына бөленіп, отбасында бақытты болып, қызық-қуанышқа толы ұзақ өмір сүрулеріңізді тілеймін. Мерекелеріңіз құтты болсын, мерейлі, мейірімді біздің медбикелер.

Бүгін, #17 қалалық емхана "Шапағат нұрын сыйлайық"-акциясы аясында емханамыздың профилактика және әлеуметтік психологиялық бөлімі мен Арнайы мамандандырылған бөлімі бірлесе отырып, Зайцева О.Ю. ға жүріп-тұруына арналған қажетті жабдық(ходунок)алып берілді.